Josep Carles Laínez (Principat d’Andorra, 1970) escribe n’asturianu dende l’añu 1991, cuando completó’l so primer llibru, Escosu deliriu (güei perdíu). L’añu 1997, algamó’l Premiu de Teatru de l’Academia de la Llingua Asturiana cola obra Elsa metálico (Uviéu, ALLA, 1998) y en 2000 entamó la so collaboración col selmanariu Les Noticies. Dalgunes de les sos columnes asturianes conocieron tornes al español (Ene marginalia, Madrid, Endymion, 2003) y al estoniu (na revista Akadeemia, 2004). Tien traducíos poemes de Sandro Penna, Vicent Andrés Estellés y Rosa María Rodríguez Magda a la nuesa llingua. En 2004 espublizó la torna d’una colección de haiku col títulu de Caballinos del diañu, lluciérnagues y caparines (Uviéu, Ámbitu), en collaboración con Abdelmumin Aya, y dos años depués el poemariu Lenta lletanía del cuerpu nel hedreru (Uviéu, ALLA, 2005).
No hay comentarios:
Publicar un comentario